文:MenClub 波特先生  圖:互聯網
POSTED ON 22 Feb 2022

就算你未必有呢款手錶,但「不在乎天長地久,只在乎曾經擁有」呢一句經典廣告你都一定聽過,無錯呢句廣告Slogan就係黎自手錶品牌鐵達時(Solvil et Titus)。

而近日,鐵打時就與日本國民漫畫《龍珠》推出Crossover限量版Saber腕錶系列,其中包括多位《龍珠》經典角色悉數登場。

據知今次鐵達時找上《龍珠》,全因為覺得其故事充滿熱血,每一次戰鬥都係一次修練、進步嘅過程,同時主角們堅守自己嘅使命,守護著心愛嘅地球及所有人,而這正正對鐵達時呢個品牌理念有著共鳴,所以促成今次合作。


今次雙方Crossover合作,將以7位《龍珠》角色造型打造,其中當然包括主角悟空,另外就仲有比達、菲利、斯路、布歐、小悟飯、神龍,每一款手錶均以呢7位角色嘅特色去設計。好似手錶整體造型就會用上角色主色及其細節,好似悟空就係橙藍配色,底下小盤印有「悟」字,背後更印有悟空插圖;比達就係藍白配色,並且有錶冠上更刻有其專屬標記等等,另外每一款嘅錶面1點至7點內圈位置均點上一粒星,代表7粒龍珠。其他角色嘅專屬特點就等你去發掘啦!


除左手錶本身,今次Corssover系列將隨錶附有獨立編號閃卡證書、專屬禮盒、帆布餵及限量版手錶布,絕對值得龍珠迷入手!