{ SKIP }
文:MenClub 魏文青  
POSTED ON 17 Mar 2023

近日日本AV界可謂新聞不斷,先有三上悠亞預告引退,又有香港女生素海霖宣佈出道,而今日就輪到著名AV片商「SOD」社長因「未經許可接待營業」而被捕——不過就同大家想像中嘅有啲唔同。

據日媒報導,東京都公安委員會,就以「未經許可接待營業」之名,將SOD社長井口翔以及店長樋口剛拘捕,並同時帶走數名當時於店內工作嘅女員工,再於今日殺上SOD總公司搜索。

大家一見到「SOD」同「接待營業」,可能下意識就認為係同啲唔見得光嘅事業有關。但其實涉事嘅係自2020年就於新宿歌舞伎町光明正大地開業嘅「SOD LAND」主題樂園。SOD LAND樓高四層,主要賣點係「可以與AV女優見面」,每層都會有唔同主題,除咗可以同女優玩「色色的小遊戲」之外,最高一層更可以透過玻璃,以包括「從下而上」等角度仔細觀察身穿性感服裝嘅女優。雖然係以SOD及女優作賣點,但大致上都停留於兒童不宜嘅尺度。

案情重點就在於「接待」二字,因為按日本法例,所謂「接待」係指「以企業利益為最終目的的活動和宴會」,具體而言就係大家熟知嘅「陪酒小姐」之類嘅服務,而此類服務係受日本風俗法規所限。而SOD LAND過往就一直游走於法例邊緣,今次就應該係被日本警方認為其業務符合「接待」之定義,所以違法被捕。

事件發生後,SOD LAND亦放出公告,先表示會於明日 (3月16日) 暫停營業。隨後再指無限期暫時關閉。

資料來源:news.ntv

相信大家都有試過,女朋友或者老婆話去剪頭髮,但剪完之後你根本就睇唔出佢個頭有變過。的確,對大部份男人黎講,除非個女仔係由長頭髮變短頭髮,否則我哋根本就分唔出。而今日要介紹呢位「佐々木萌香」,就係由出道 ...
girls
【深夜】長髮好定短髮好?地勤空姐出身「佐々木萌香」
22 Mar 2023
大家都知日本好興為不同技能設立「執照制度」,例如電競選手有牌考、溫泉鑑賞有牌考,就連職業麻雀士都有牌可以考。而今日要介紹嘅呢位「日下部ほたる」,除咗身材出名之外,更出名嘅就係佢乃係一個擁有30個不同執照 ...
girls
【深夜】擁有30個執照嘅寫真女星 「日下部ほたる」
21 Mar 2023