{ SKIP }
文:MenClub 魏文青  
POSTED ON 23 May 2023

之前我就同大家報導過,日本秋葉原嘅卡牌店因為客人體臭太嚴重,所以決定於門口擺放香水供客人使用,否則就不得入內。估唔到近期另一間秋葉原卡牌店又發出類似聲明,經傳媒報導後更加成為熱門新聞,究竟日本嘅宅男們係有幾臭呢?

卻說日本卡店「カードランド秋葉原店」上週於Twitter發出聲明,表示近日氣溫急升,天氣變得相當和暖,同時佢哋發現有部份客人以不衛生嘅狀態到訪。特別係於比賽期間,由於大家需要長時間處於同一空間,所以要求客人們到訪前先沖涼,乾乾淨淨咁黎。同時佢哋亦表示,如果於比賽期間因為上述原因 (即係個人太臭) 而造成其他客人不便,將會無法參加比賽。

雖然「日本部份宅男可以好臭」已經唔係咩新聞,但「カードランド秋葉原店」此帖文一出,依然都得到唔少網民留意,帖文觀看次數高達150萬。有網民亦於下面留言分享自己曾於二手卡牌店打工,即使成間鋪放咗10個香薰依然臭得離譜,最後佢只能屈喺店舖一角;另外亦有唔少網民分享洗衫同沖涼貼士,希望能幫助宅男們保持衛生。但亦有網民嘲諷道:「如果唔沖涼,啲水費就可以花喺啲卡上面;如果我唔買漂白水,啲錢就可以花喺啲卡上面;如果我唔醫臭狐,啲錢就可以花喺啲卡上面」嘅宅男心態。

經過多年發展,《Pokemon》已經唔係大家細個會玩嘅遊戲、會睇嘅卡通咁簡單,而係一個滲入各個界別嘅著名品牌。近日佢哋就踩埋入藝術界,與荷蘭梵高美術館合作舉行展覽,當中除咗有梵高風格嘅《Pokemon》畫作之外,仲 ...
hobby
【動漫】踩入藝術界 《Pokemon》與梵高美術館合作辦展 送特別版卡牌
29 Sep 2023
雖然MCU電影曾經係一眾影迷每年必定入場睇嘅盛事,但經過15年發展後,近年就因為「粗製濫造」,以及大家熟悉嘅元老級英雄退役、電影宇宙發展大到新觀眾難以跟上,所以人氣比起全盛時期已有所消退。而睇黎Marvel內部 ...
hobby
【影視】砍掉重練?傳Kevin Feige決定於《Secret War》後重啟整個MCU及之前所有Marvel電影
29 Sep 2023