文:MenClub 艾力克  
POSTED ON 21 Mar 2023

由清水茜所著嘅《工作細胞》以幽默詼諧方式介紹人體器官及免疫系統運作,自2018年推出動畫版後大受好評,如今官方正式宣布開拍真人版電影,唔知大家期唔期待呢?

據報導,《工作細胞》真人版電影將由《電車男》、《交響情人夢》、《羅馬浴場》導演武内英樹執導,《飛翔吧!埼玉》編劇徳永友一撰寫劇本。雖然官方尚未公布演員陣容,但有傳佐藤健將會飾演「白血球」,而永野芽郁則飾演「紅血球」,若然消息屬實,將會係兩人繼2018年《半邊藍天(半分、青い。)》後再度共演。

日本人氣動漫《工作細胞》由清水茜所著,自2015年3月起於《月刊少年天狼星》連載,並於2021年3月完結,作者幽默地將人體各個細胞「擬人化」,講述細胞們每天工作、與病菌對抗嘅故事,由於搞笑得嚟又具有科普價值,唔少日本學校甚至會將動畫當成教材。

資料來源:ファミ通