文:MenClub 魏文青  
POSTED ON 06 Mar 2023

標題入面嗰句「我欲奪水著寫真天下」,雖然好似啲好老土又中二嘅動漫台詞,但其實,呢句嘢真係由今晚要同大家介紹嘅呢位「麻倉瑞季」口中講出黎。既然佢誇下海口,我就同大家睇睇佢有冇呢個斤兩!

現年即將於4月迎來21歲嘅麻倉瑞季,曾經作為日本地下偶像團體成員活動過,不過要數到佢嘅成名作,就一定係去年參加日本著名寫真女星選秀比賽「Miss Magazine 2022」,並成為大獎之一「Miss Young Magazine」得主,亦由此開展佢嘅寫真之路。出身於出名多靚女嘅長崎縣,麻倉瑞季亦不負「長崎美人」之稱,雖然身高只有150cm,但身材就可以用「飽滿」兩個字黎形容。無論係稚氣未除嘅包包面,定係非常厚實嘅心口都非常飽滿。

值得一提嘅係,麻倉瑞季出道短時間就已經獲日本傳媒「封賞」多個稱號,例如「日本第一胸形」、「日本第一艷麗女生」等。而佢自己亦曾經講過「グラビアで天下を取りたい (我欲奪水著寫真天下)」,所以未來大家應該會有更多機會見到佢啦。

IG:mizuki_asakura_