POSTED ON 27 Sep 2016
自1994年起，朗格嘅Richard Lange 「Pour le Mérite」以至各個「Pour le Mérite」型號皆有一種獨特配備 — 芝麻鏈傳動系統 (fusée-and-chain)；繼早年嘅18K Rose Gold、950鉑金款，今次再推白色黃金 + 黑色錶盤其實都係提供多一個外觀、材質嘅選擇，真正嘅重點仍然係腕錶嘅頂級工藝。 |
|
芝麻鏈傳動系統可提供穩定扭力，從而令擺輪喺整個動力儲存期間保持恆定振幅。圍繞發條盒嘅芝麻鏈，經錐形寶塔輪，將主發條動力傳遞到走時輪系，以呢個方式去保持扭力不變。當隻錶完全上鏈嗰陣，芝麻鏈會拉動邊緣位較細小嘅寶塔輪，亦即係比較短嘅槓桿。反之，當主發條拉力就嚟耗盡，芝麻鏈會拉動另一較大嘅寶塔輪，即更長嘅槓桿。呢個運作原理有啲似單車嘅傳動方式，不同嘅係芝麻鏈系統嘅傳動比率並非固定，而係持續變化。 |
|
|
| 每當進入完全上 鏈或完全放鬆嘅狀態前，兩個獨立裝置會整停上鏈器，以防止僅厚0.25毫米、長156毫米嘅芝麻鏈過度受壓。芝麻鏈傳動系統令寶塔輪於上鏈、腕錶運行期間 以相反方向轉動。故此，上鏈時必須確保腕錶持續運行。寶塔輪入面嘅行星齒輪系統可喺上鏈階段維持寶塔輪同機芯之間嘅動力傳輸。透過開揚嘅德國銀四份三夾 板，用家可以睇到芝麻鏈嘅運作情況。 |
|
新款Richard Lange「Pour le Mérite」具有40.5毫米實心18K白色黃金錶殼，黑底錶盤搭白色羅馬數字同18K黃金鍍銠指針；內部為自家製L044.1手動上鏈機芯，有上面講過嘅芝麻鏈傳動系統，自製擺輪游絲，振頻可達每小時21,600次，完全上鏈可達到36小時動力儲存，限量218隻。 |
