POSTED ON 27 Oct 2016
| 之前好多人問Note 7全球回收會點處理，大家睇完小米產品發布會話唔定知道答案。日前小米產品發布會，新發表嘅Note 2個樣就似足Note 7，而小米VR眼鏡睇落又係熟口熟面，反而由Philippe Starck設計嘅全面屏幕旗艦機小米Mix先係重點所在。
今次新發表嘅小米VR眼鏡，用法同之前嘅小米VR玩具版差唔多，但設計就唔同，白雪雪望落似足PS VR，但跟埋手掣就令人覺得係抄Google Daydream。其實除咗外型之外，小米VR眼鏡仲內置埋感應器，唔使靠手機都可以偵測動作，而且聲稱提高16倍靈敏度以減輕玩VR會頭暈嘅問題。小米VR眼鏡11月初開賣，仲跟多一個9軸手掣玩遊戲，一套售價199人民幣。聽落係可以平玩平睇VR，但就只對應返小米手機，我就唔制喇。
除咗Note 2同小米VR眼鏡之外，我覺得今次發布會最值得睇其實係旗艦級嘅小米Mix。小米Mix搵嚟Philippe Starck負責設計，最大賣點係全面屏幕設計，機身正面除咗底部嘅按鍵位之外，屏幕覆蓋率係機面嘅90%，所以就算機身只係同iPhone 7 Plus差唔多，但偷盡位連聽筒位都冇埋之後，就可以有6.4"超大屏幕。，售價由3499人民幣起，11月4日首賣。
|
