【唔飛唔知身體好】Suzuki Alto Works 5MT

文：MenClub John Chan　　

POSTED ON 03 Dec 2016

Photos & Video: Heat Production 「日本輕自動車K-Car係畀啲新牌仔、大唔透嘅廿零歲嘅「o靚仔」操車用，操車操返咁上下日子，就自然換大一級嘅小車（Compact Car）、MPV、房車等等。」「總之喺「常理」之下，唔會無端端走『回頭路』，走返轉頭揸K-Car……呢條友肯定係『撈唔掂』。」首先，我係唔認同上述觀點。

因為工作關係，接觸過好多種類嘅車迷，真真正正明白「玩車嘅人生」唔係咁刻版、咁倒模。所謂嘅「主流」，有時其實唔係咁主流。

我剛進入汽車傳媒工作的年代，日本大發（Daihatsu）仍然由大發行代理，佢哋經常有啲特惠價出車計劃，K-Car或小車真係多到呢！嗰時雖然係九十年代末，亞洲金融風暴餘波未散，但香港嘅就業環境仲算ok，至少冇當前咁「仆街」。好多大學或大專畢業一、兩年嘅巴打（唔係紀律部隊、律師醫生或專業人士），勤力啲，搏命啲，月入萬五萬六蚊不是難事。嗰時沙田區嘅細單位售價，不過係九十零、百鬆啲萬；同區私人屋苑「墮角」有蓋月租位介乎$800至$950；喺旺區食個茶餐仲係廿五、六蚊；自問唔係花天酒地、周末馬會葡京加「沖涼特急」、又或者溝著個成日要你進貢名牌嘅女友，一定有錢剩，有錢畀屋企，有閒錢玩部平平哋嘅車，仲有錢剩儲首期買樓。

2016年，K-Car選擇所餘無幾，小車呢？亦談唔上「陣容鼎盛」。至於香港而家普羅打工仔有幾艱難，香港有幾唔妥，同埋各位巴打閒錢大縮水，呢啲唔使多講啦。如果有條友行出嚟講：「拿！K-Car係細c.c.引擎，好慳油㗎，分分鐘慳油過啲1300c.c.或1500c.c.日本小車。」咁你要好小心去分析嘞！我過往試車經驗所得，喺香港用K-Car嘅油耗，其實同1000c.c.或1300c.c.自然吸氣小車差唔多，當然啦！我知有啲巴打零舍「輕腳」，佢同你講K-Car超慳油絕不出奇。不過，遇著今次呢款鈴木（Suzuki）Alto Works，點會唔大大腳踩油？

Alto Works嘅動力系統，都係K-Car直三渦輪增壓引擎，最大馬力64匹，峰值扭力10.2kgm，睇動力輸出數字，同佢同門嘅Alto Turbo RS好接近。不過，Alto Turbo RS冇五前速棍波版，想有緊湊啲嘅加速感，揀稱為AGS嘅五前速自動離合器版本囉。負責鈴木新車開發嘅高層話：「好多人問我哋會唔會追加棍波版，我哋見有巿場，所以開發咗Works版」，原因就係咁簡單，大家想要，佢哋就造。
[Youtube]https://youtu.be/s7YfJyJNRGo[/Youtube]
R06A型直三Turbo引擎
一上車篤腳油已周身火，一波好短好大力，一腳大油冇幾耐就要轉二波，二波長番少少，我「地板油」踩到盡，未到紅區車速已達85km/h，以細c.c.引擎車嚟講，算係咁。雖然K-Car嘅最大馬力被日本相關汽車法例限死喺64匹，但K-Car引擎喺近五、六年嘅改進好大，尤其係渦輪增壓技術（Turbo）方面，喺慢彎反覆咁畀油、縮油、再畀油嘅反應快咗好多。「咁引擎聲呢？」……你估而家試Porsche 964咩！ Alto Works好輕，只有670kg。當有啲巴打成日開口埋口大讚2008年Mazda2 1.5 5MT同2002年豐田（Toyota）Echo 1.3 5MT有幾輕，身輕如燕乜乜乜嗰陣，我真係好想邀請佢哋感受吓再輕300幾公斤係咩感覺。喺北大嶼山高速公路，眨吓眼已飈上110km/h，當時只係四波，我好清楚車速仲有得上，而且係湧住上，好正！

Alto Works嘅車身剛性其實算唔錯，扭擺同雜音都好輕微，當然，講硬淨，好難同目前嘅日本小車，例如本田Jazz RS或Mazda 2相比，始終兩者嘅級數同售價都唔同。掀起引擎艙蓋，Alto Works有一條好粗嘅前懸塔頂桿（Tower Bar），廠方就話前懸塔頂同延伸部份都加粗加厚咗，另外，引擎艙與駕駛艙之間嘅上半部份亦改用更堅固嘅鋼材。

揸咗半日，我最鍾意Alto Works嘅前懸好強壯，喺鋪裝滑溜嘅彎路，好爽，懸掛嘅抗傾力同韌度算幾好，未至於彈跳；但喺起伏大啲或混凝土路面，佢同唔少K-Car都一樣，緊張咗啲，總係無法快速將餘震穩定落嚟，亦都因為Alto Works嘅Recaro桶型座椅Hip Point幾高，所以喺舊路你唔會好落意快劈，喺靚路呢？好好多。我同呢部車嘅車主都好同意：有心長玩，low底部車，降低離地距。另外，日本本土已推出專供Alto Works使用嘅矮身櫈架。OK！掂掂掂！

Alto Works內櫳好齋，一切從簡，後座坐墊更覺有少少單薄，但偏偏有自動恒溫冷氣。駕駛艙有少量仿碳纖襯飾，叫做有啲啲跑味，軚盤同波棍都係近年鈴木小車常貨色，冇驚喜，唔知budget係唔係去晒兩張Recaro櫈嘞！

如果你係後生新牌仔，我唔會建議你買Alto Works。因為對一個剛拎棍波牌嘅廿歲仔嚟講，呢部車實在太勁喇，先唔好講你搣甩晒啲新牌惡習未，係擔心你未有成熟心智控得住呢部車，怕你貪勝不知輸，吓吓喺彎路「chur」到盡，更擔心你經常自編自導自演《大戰巨人哥利亞》，正正經經買部1300c.c.或1500c.c.歐、日小車好過啦！但係，對揸過好多辣車、快車嘅巴打，Alto Works真係畀到你「回春」感覺，就好似同廿歲出頭嘅童顏女生，喺東南亞某某Resorts單獨相處一星期咁…… 「睇住呀！死老嘢！」
Suzuki Alto Works規格車型：五門四座體積：（長）3395mm x （闊）1475mm x （高）1500mm 軸距：2460mm 引擎形式：658c.c. 直列3汽缸，渦輪增壓，VVT，前置引擎口徑 x 衝程：64mm x 68.2mm 壓縮比：9.1:1 馬力：64匹/6000rpm 扭力：10.2kgm/3000rpm 波箱：五前速手動，前輪驅動齒比：(1波）3.545；(2波）2.105；(3波）1.521；(4波）1.148；(5波）0.897； (最終傳動比，尾牙）4.705 懸掛：（前）麥花臣支柱；（後）扭力桿制動：（前）透氣碟；（後）鼓式車重：670kg 油缸容量：27公升耗油：23.0km/L（日本JC08燃費測計模式）輪胎：Bridgestone Potenza RE050A 165/55 R15 75V（前、後）

MERCEDES-BENZ E500 AMG

LAND ROVER DISCOVERY SPORT SE

download menclub auto

Photos & Video: Heat Production 「日本輕自動車K-Car係畀啲新牌仔、大唔透嘅廿零歲嘅「o靚仔」操車用，操車操返咁上下日子，就自然換大一級嘅小車（Compact Car）、MPV、房車等等。」「總之喺「常理」之下，唔會無端端走『回頭路』，走返轉頭揸K-Car……呢條友肯定係『撈唔掂』。」首先，我係唔認同上述觀點。

因為工作關係，接觸過好多種類嘅車迷，真真正正明白「玩車嘅人生」唔係咁刻版、咁倒模。所謂嘅「主流」，有時其實唔係咁主流。

我剛進入汽車傳媒工作的年代，日本大發（Daihatsu）仍然由大發行代理，佢哋經常有啲特惠價出車計劃，K-Car或小車真係多到呢！嗰時雖然係九十年代末，亞洲金融風暴餘波未散，但香港嘅就業環境仲算ok，至少冇當前咁「仆街」。好多大學或大專畢業一、兩年嘅巴打（唔係紀律部隊、律師醫生或專業人士），勤力啲，搏命啲，月入萬五萬六蚊不是難事。嗰時沙田區嘅細單位售價，不過係九十零、百鬆啲萬；同區私人屋苑「墮角」有蓋月租位介乎$800至$950；喺旺區食個茶餐仲係廿五、六蚊；自問唔係花天酒地、周末馬會葡京加「沖涼特急」、又或者溝著個成日要你進貢名牌嘅女友，一定有錢剩，有錢畀屋企，有閒錢玩部平平哋嘅車，仲有錢剩儲首期買樓。

2016年，K-Car選擇所餘無幾，小車呢？亦談唔上「陣容鼎盛」。至於香港而家普羅打工仔有幾艱難，香港有幾唔妥，同埋各位巴打閒錢大縮水，呢啲唔使多講啦。如果有條友行出嚟講：「拿！K-Car係細c.c.引擎，好慳油㗎，分分鐘慳油過啲1300c.c.或1500c.c.日本小車。」咁你要好小心去分析嘞！我過往試車經驗所得，喺香港用K-Car嘅油耗，其實同1000c.c.或1300c.c.自然吸氣小車差唔多，當然啦！我知有啲巴打零舍「輕腳」，佢同你講K-Car超慳油絕不出奇。不過，遇著今次呢款鈴木（Suzuki）Alto Works，點會唔大大腳踩油？

Alto Works嘅動力系統，都係K-Car直三渦輪增壓引擎，最大馬力64匹，峰值扭力10.2kgm，睇動力輸出數字，同佢同門嘅Alto Turbo RS好接近。不過，Alto Turbo RS冇五前速棍波版，想有緊湊啲嘅加速感，揀稱為AGS嘅五前速自動離合器版本囉。負責鈴木新車開發嘅高層話：「好多人問我哋會唔會追加棍波版，我哋見有巿場，所以開發咗Works版」，原因就係咁簡單，大家想要，佢哋就造。
[Youtube]https://youtu.be/s7YfJyJNRGo[/Youtube]
R06A型直三Turbo引擎
一上車篤腳油已周身火，一波好短好大力，一腳大油冇幾耐就要轉二波，二波長番少少，我「地板油」踩到盡，未到紅區車速已達85km/h，以細c.c.引擎車嚟講，算係咁。雖然K-Car嘅最大馬力被日本相關汽車法例限死喺64匹，但K-Car引擎喺近五、六年嘅改進好大，尤其係渦輪增壓技術（Turbo）方面，喺慢彎反覆咁畀油、縮油、再畀油嘅反應快咗好多。「咁引擎聲呢？」……你估而家試Porsche 964咩！ Alto Works好輕，只有670kg。當有啲巴打成日開口埋口大讚2008年Mazda2 1.5 5MT同2002年豐田（Toyota）Echo 1.3 5MT有幾輕，身輕如燕乜乜乜嗰陣，我真係好想邀請佢哋感受吓再輕300幾公斤係咩感覺。喺北大嶼山高速公路，眨吓眼已飈上110km/h，當時只係四波，我好清楚車速仲有得上，而且係湧住上，好正！

Alto Works嘅車身剛性其實算唔錯，扭擺同雜音都好輕微，當然，講硬淨，好難同目前嘅日本小車，例如本田Jazz RS或Mazda 2相比，始終兩者嘅級數同售價都唔同。掀起引擎艙蓋，Alto Works有一條好粗嘅前懸塔頂桿（Tower Bar），廠方就話前懸塔頂同延伸部份都加粗加厚咗，另外，引擎艙與駕駛艙之間嘅上半部份亦改用更堅固嘅鋼材。

揸咗半日，我最鍾意Alto Works嘅前懸好強壯，喺鋪裝滑溜嘅彎路，好爽，懸掛嘅抗傾力同韌度算幾好，未至於彈跳；但喺起伏大啲或混凝土路面，佢同唔少K-Car都一樣，緊張咗啲，總係無法快速將餘震穩定落嚟，亦都因為Alto Works嘅Recaro桶型座椅Hip Point幾高，所以喺舊路你唔會好落意快劈，喺靚路呢？好好多。我同呢部車嘅車主都好同意：有心長玩，low底部車，降低離地距。另外，日本本土已推出專供Alto Works使用嘅矮身櫈架。OK！掂掂掂！

Alto Works內櫳好齋，一切從簡，後座坐墊更覺有少少單薄，但偏偏有自動恒溫冷氣。駕駛艙有少量仿碳纖襯飾，叫做有啲啲跑味，軚盤同波棍都係近年鈴木小車常貨色，冇驚喜，唔知budget係唔係去晒兩張Recaro櫈嘞！

如果你係後生新牌仔，我唔會建議你買Alto Works。因為對一個剛拎棍波牌嘅廿歲仔嚟講，呢部車實在太勁喇，先唔好講你搣甩晒啲新牌惡習未，係擔心你未有成熟心智控得住呢部車，怕你貪勝不知輸，吓吓喺彎路「chur」到盡，更擔心你經常自編自導自演《大戰巨人哥利亞》，正正經經買部1300c.c.或1500c.c.歐、日小車好過啦！但係，對揸過好多辣車、快車嘅巴打，Alto Works真係畀到你「回春」感覺，就好似同廿歲出頭嘅童顏女生，喺東南亞某某Resorts單獨相處一星期咁…… 「睇住呀！死老嘢！」
Suzuki Alto Works規格車型：五門四座體積：（長）3395mm x （闊）1475mm x （高）1500mm 軸距：2460mm 引擎形式：658c.c. 直列3汽缸，渦輪增壓，VVT，前置引擎口徑 x 衝程：64mm x 68.2mm 壓縮比：9.1:1 馬力：64匹/6000rpm 扭力：10.2kgm/3000rpm 波箱：五前速手動，前輪驅動齒比：(1波）3.545；(2波）2.105；(3波）1.521；(4波）1.148；(5波）0.897； (最終傳動比，尾牙）4.705 懸掛：（前）麥花臣支柱；（後）扭力桿制動：（前）透氣碟；（後）鼓式車重：670kg 油缸容量：27公升耗油：23.0km/L（日本JC08燃費測計模式）輪胎：Bridgestone Potenza RE050A 165/55 R15 75V（前、後）